54 - ரோமப் பேரரசன் குளோடியஸ் (படம்) அவனது நான்காவது மனைவியினால் நஞ்சூட்டிக் கொல்லப்பட்டதினால் அவளது மகன் நீரோ ரோமப் பேரரசனானான்.
1943 - இரண்டாம் உலகப் போர்: இத்தாலியின் புதிய அரசு நட்பு நாடுகளின் பக்கம் சாய்ந்ததைத் தொடர்ந்து அச்சு அணி நாடுகள் மீது போரை அறிவித்தது.
1972 - உருகுவாய் விமானம் ஒன்று ஆர்ஜெண்டீனாவுக்கும் சிலிக்கும் இடையில் அண்டீஸ் மலைகளில் மோதியது. அதில் பயணம் செய்த 45 பேர்களில் 16 பேர் மட்டும் 10 நாட்களின் பின்னர் மீட்கப்பட்டனர்.
1956 - இந்தியத் தலித் தலைவர் அம்பேத்கர் (படம்) தனது 385,000 ஆதரவாளர்களுடன் பௌத்தத்திற்கு மதம் மாறினார்.
1964 - லியோனிட் பிரெஷ்னெவ் சோவியத் ஒன்றியத்தின் அதிபராகவும் சோவியத் கம்யூனிஸ்ட் கட்சியின் செயலாளர் நாயகமும் ஆனார். நிக்கிட்டா குருசேவ் பதவியில் இருந்து அகற்றப்பட்டார்.
1968 - விண்ணிலிருந்தான முதலாவது நேரடி தொலைக்காட்சி அஞ்சல் அப்போலோ 7 விண்கலத்தில் இருந்து மேற்கொள்ளப்பட்டது.
1582 - இத்தாலி, போலந்து, போர்த்துக்கல், ஸ்பெயின் ஆகிய நாடுகள் யூலியின் நாட்காட்டியில் இருந்து கிரெகொரியின் நாட்காட்டிக்கு மாறிய முதலாவது உலக நாடுகளாகின.
1917 - முதலாம் உலகப் போர்: ஜெர்மனிக்காக உளவு பார்த்ததாக குற்றஞ்சாட்டப்பட்ட டச்சு நடன மாது மாட்ட ஹரி பாரிசில் மரணதண்டனைக்குட்படுத்தப்பட்டு சுட்டுக் கொல்லப்பட்டாள்.
1931 - இந்தியாவின் முன்னாள் குடியரசுத் தலைவர் அப்துல் கலாம் (படம்)பிறப்பு.
1966 - ஆப்பிரிக்க அமெரிக்கர்களின் உரிமைகளை வென்றெடுக்கவென கருஞ்சிறுத்தைக் கட்சி என்ற பெயரில் மார்க்சிய இயக்கம் ஐக்கிய அமெரிக்காவில் ஓக்லண்டில் ஆரம்பிக்கப்பட்டது.
அக்டோபர் 16: உலக உணவு நாள்
1799 - பாஞ்சாலங்குறிச்சி மன்னன் கட்டபொம்மன் ஆங்கிலேயரால் தூக்கிலிடப்பட்டான்.
1951 - பாகிஸ்தானின் முதலாவது பிரதமர் லியாகத் அலி கான் (படம்) ராவல்பிண்டியில் சுட்டுக்கொல்லப்பட்டார்.
2003 - தமிழ் விக்கிப்பீடியாவில் முதலாவது கட்டுரை சிரின் எபாடி பற்றி எழுதப்பட்டது.
2006 - 1987 இல் இலங்கை- இந்திய ஒப்பந்தத்தை அடுத்து இணைக்கப்பட்டிருந்த வடக்கு மற்றும் கிழக்கு மாகாணங்களின் இணைப்பு செல்லாது என இலங்கை உயர் நீதிமன்றம் அறிவித்தது.
அக்டோபர் 17: உலக வறுமை ஒழிப்பு நாள்
1979 - அன்னை தெரேசாவுக்கு அமைதிக்கான நோபல் பரிசு வழங்கப்பட்டது.
1981 - புகழ் பெற்ற தமிழ்த் திரைப்படப் பாடலாசிரியரும் கவிஞருமான கண்ணதாசன் இறப்பு.
1995 - யாழ்ப்பாணத்தை விடுதலைப் புலிகளிடம் இருந்து கைப்பற்றும் நோக்கில் இலங்கை இராணுவம் ரிவிரெச நடவடிக்கையை ஆரம்பித்தது.
அக்டோபர் 18: ஐக்கிய அமெரிக்கா - அலாஸ்கா நாள்
1867 - ரஷ்யாவிடம் இருந்து அலாஸ்கா மாநிலத்தை ஐக்கிய அமெரிக்கா 7.2 மில்லியன் அமெரிக்க டாலர் விலை கொடுத்து வாங்கியது.
1922 - பிபிசி வானொலி ஆரம்பிக்கப்பட்டது.
1954 - முதலாவது டிரான்சிஸ்டர் வானொலி (படம்) அறிமுகப்படுத்தப்பட்டது.
அக்டோபர் 19: நியுயே: அரசியலமைப்பு நாள் (1974)
1812 - பிரான்சின் நெப்போலியன் பொனபார்ட் மாஸ்கோவில் இருந்து பின்வாங்கினான்.
1976 - சிம்பன்சி (படம்) உலகின் அருகி வரும் மிருக இனமாக அறிவிக்கப்பட்டது.
2000 - பிபிசியின் யாழ்ப்பாண நிருபர் நிமலராஜன் துணை இராணுவக் குழுவினரால் படுகொலை செய்யப்பட்டார்.
2001 - 400 அகதிகளை ஏற்றிச் சென்ற இந்தோனீசியப் படகு கிறிஸ்துமஸ் தீவில் கவிழ்ந்ததில் 353 பேர் கொல்லப்பட்டனர்.
அக்டோபர் 20:
1469 - சீக்கிய மதத்தைத் தோற்றுவித்த குரு நானக் தேவ் (படம்) பிறப்பு.
1973 – சிட்னி ஒப்பேரா மாளிகையை இரண்டாம் எலிசபெத் அதிகாரபூர்வமாகத் திறந்து வைத்தார்.
1982 - மாஸ்கோவில் இடம்பெற்ற பன்னாட்டு உதைப்பந்தாட்டப் போட்டி ஒன்றில் இடம்பெற்ற நெரிசலில் சிக்கி 66 பேர் இறந்தனர்.
2004 - உபுண்டு லினக்ஸ் வெளியிடப்பட்டது.
1879 - தாமஸ் ஆல்வா எடிசன் தனது முதலாவது தொழில் ரீதியான மின்குமிழைப் பரிசோதித்தார். இது 13 மணி நேரம் எரிந்தது.
1944 - கிறகுஜேவாச் படுகொலைகள் நாசி ஜெர்மனியப் படைகள் 7000 சேர்பியரைப் படுகொலை செய்தனர்.
1987 - ஈழப்போர்: யாழ்ப்பாணம் மருத்துவமனையில் இந்திய இராணுவத்தினர் சுட்டதில் மருத்துவர்கள், ஊழியர்கள், நோயாளிகள் உட்பட 21 பேர் கொல்லப்பட்டனர்.
_01.jpg)
