எப்படிச் செய்வது/பணம் சேமிப்பது எப்படி?

விக்கிநூல்கள் இல் இருந்து
தாவிச் செல்ல: வழிசெலுத்தல், தேடுக

வீடு[தொகு]

  • அறைத்தோழருடன், குடும்பத்துடன் அல்லது உறவினர்களுடன் வீட்டை, வீட்டின் செலவுகளைப் பகிருங்கள்.
  • வாடகைக்கு இருப்பது சேமிப்பாக, உங்கள் வாழ்முறையுடன் ஒத்து இருந்தால் வாடகைக்கு எடுங்கள், மிகுதிப் பணத்தை சேமிப்பில் இடுங்கள்.
  • அளவான சிறிய வீடாக வாங்குங்கள், அல்லது வாடகைக்கு எடுங்கள்.
  • தொலைக்காட்சி சேவைகளை இரத்துச் செய்யுங்கள்.
  • நிலத் தொலைபேசியை இரத்துச் செய்யுங்கள்.
  • மழைநீர் சேகரிப்புச் செய்யுங்கள்.

ஆற்றல்[தொகு]

  • முதலீடு செய்ய முடிந்தால், சூரிய கலங்களில் இருந்து ஆற்றல் பெறுங்கள்.
  • பயன்படுத்தாத அறைகளில் விளக்குகளை அணையுங்கள்.
  • சூரிய ஒளி கிடைக்குமாயின் சன்னல்களைத் திறந்து விட்டு அதன் ஊடாக வெளிச்சத்தைப் பெறுங்கள்.
  • குறைந்த ஆற்றலைப் பயன்படுத்தும் மின்விளக்குகளைப் பயன்படுத்துங்கள். எ.கா சி.எப்.எல் (CFL)
  • உயர் ஆற்றல் திறன் மிக்க கருவிகளைப் பயன்படுத்துங்கள். எ.கா எனேர்சி இசுடார் (energy star) உத்தரவாதம் அளிக்கப்பட்ட கருவிகள்.
  • கணினி, தொலைக்காட்சி போன்ற கருவிகளை பயன்படுத்தி முடித்தவுடன் நிப்பாட்டி விடுங்கள்.
  • கோடை காலத்தில், வீட்டின் சன்னல்களைத் திறந்து விட்டு குளிரூட்டி பயன்படுத்துவதைத் தவிருங்கள்.
  • கோடை காலத்தில் குளிரூட்டிக்கு மாற்றாக மின் விசிறியைப் பயன்படுத்துங்கள்.
  • குளிரூட்டியைப் பயன்படுத்தாதீர்கள்.
  • குளிர்காலத்துக்கு ஏற்ற மாதிரி உங்கள் வீட்டைப் பாதுகாவுங்கள்.
  • குளிர் காலத்தில் வீட்டில் சூடேற்றி இருந்தால் அதன் வெப்பநிலையை இயலுமான அளவு குறையுங்கள்.
  • வீட்டில் நீர் சூடேற்றி இருந்தால் அதன் வெப்பநிலையை இயலுமான அளவு குறையுங்கள்.

உணவு[தொகு]

  • சமைக்கக் கற்றுக் கொள்ளுங்கள்.
  • வீட்டுத் தோட்டம் ஒன்று வையுங்கள்.
  • வெளியில் உணவு உண்ணுவதைத் தவிருங்கள்.
  • வேலைக்கு வீட்டிலிருந்து உணவு எடுத்துச் செல்லுங்கள்.
  • சோடா மற்றும் குளிர்பானத்தைத் தவிர்த்து தண்ணீரை அருந்துங்கள். அது உடலுக்கும் நல்லது.
  • அருகாமையில் காடு இருந்தால் அங்கு சென்று பழங்கள், காளான் போன்றவற்றை பெறக் கற்றுக் கொள்ளுங்கள்.
  • அருகாமையில் காடு இருந்தால் அங்கு சென்று விலங்குகளை வேட்டையாடக் கற்றுக் கொள்ளுங்கள்.
  • மீன் பிடிக்கக் கற்றுக் கொள்ளுங்கள்.
  • சொட்டுத் தீனி, சிறப்பு உணவுகளை அளவோடு உண்ணுங்கள்.
  • மதுபானங்களைத் தவிருங்கள் அல்லது குறையுங்கள்.
  • மரக்கறி உணவுக்கு மாறிவிடுங்கள். இறைச்சி, கடலுணவுகள் பொதுவாக விலை கூடியவை.
  • சுற்றுலா செல்வதானால் உணவையும் நீரையும் நீங்களே எடுத்துச் செல்லுங்கள்.
  • தேவைக்கு அதிகமாகச் சமைக்காதீர்கள். உணவை வீணாக்காதீர்கள், கொட்டாதீர்கள்.
  • சத்துள்ள தரமான உணவாக வாங்குங்கள்.
  • போத்தில் தண்ணீர் வாங்குவதை நிறுத்துங்கள். தேவைப்படின் தண்ணீரைச் சுடவத்து அல்லது வடிகட்டிக் குடியுங்கள்.
  • பருவத்தில் விளையும் உணவுகளை வாங்குங்கள். அவை விலை மலிவாக இருக்கும்.
  • உள்ளூர் உணவுகளை வாங்குங்கள்.
  • உழவர் சந்தையில் பொருட்களை வாங்குங்கள்.

உடை[தொகு]

  • தைக்கக் கற்றுக் கொள்ளுங்கள்.
  • தரமான ஒரு தொகுதி உடைகளை வாங்குங்கள், நீண்டகாலம் பயன்படுத்துங்கள்.
  • புதிய உடைகளை அடிக்கடி வாங்காதீர்கள்.
  • ஒரு நாள் அல்லது ஒரு பயன்பாட்டு உடைகளை வாங்காமல், வாடகைக்கு அல்லது இரவல் எடுக்க முடியுமா என்று பாருங்கள்.
  • உறவினர்கள் பயன்படுத்திய உடைகளை மீள் பயன்படுத்துங்கள்.
  • பயன்படுத்தப்பட்ட உடைகளை வாங்குங்கள்.

போக்குவரத்து[தொகு]

  • பயணங்களைக் குறையுங்கள்.
  • பல பல சிறு வேலைகள் இருந்தால் அவற்றை எல்லாம் ஒன்றாக ஒரே பயணத்தில் செய்யுங்கள்.
  • குறைந்த செலவு போக்குவரத்து வழியைப் பயன்படுத்துங்கள், எ.கா: நடை, மிதிவண்டி, பொதுப் போக்குவரத்து, தானுந்துப் பகிர்வு.
  • தானிந்தை விட விசையுந்தை வாங்குங்கள்.

தானுந்து[தொகு]

  • அடிப்படைத் தானுந்துப் பராமரிப்பைக் கற்றுக் கொள்ளுங்கள். சரியாகப் பராமரியுங்கள்.
  • தானுந்து தேவை எனின், சிறிய ஆடம்பரம் அற்ற தானுந்தை வாங்குங்கள்.
  • பழைய தானுந்தை வாங்குங்கள்.
  • கவனமாக வாகனம் ஓட்டுங்கள், விபத்துக்களை இயன்றவரை தவிருங்கள்.
  • தானுந்தின் வேகத்தை அடிக்கடி முடிக்கி விடுவதையும், திடீர் என்று தடுப்புப் போடுவதையும் தவிருங்கள். இப்படிச் செய்வதால் ஆற்றல் வீணாகும்.
  • நெடுஞ்சாலையில் அதி வேகமாக ஓடாதீர்கள். உங்கள் வாகனத்தின் உச்ச திறன் வேகம் அறிந்து அந்த வேகத்துக்கு ஓட்டுங்கள். அதி வேகமாக ஓட்டுவதால் ஆற்றல் வீணாகும்.
  • சிகப்பு இணைப்பு வருகிறது என்று தெரிந்தவுடன் அமுக்குவதை நிறுத்தி உந்து வேகத்தில் ஓட விடுங்கள்.
  • ஒரு தொட்டி (tank) எரிபொருளில் எத்தனை நாள் ஓட்டலாம் என்று முயன்று பாருங்கள்.
  • வாகனம் ஓட்ட முழுத் தகுதையும் பெறுங்கள். இது உங்கள் காப்புறுதியைக் குறைக்கும். (சில நாடுகளில்)
  • வாகனம் ஒட்டுவது தொடர்பான வகுப்புக்களுக்குச் சென்று சான்றிதழ்களைப் பெறுங்கள். இது உங்கள் காப்புறுதியைக் குறைக்கும். (சில நாடுகளில்)

நலம்[தொகு]

  • புகைப்பிடிப்பதை நிறுத்துங்கள்.
  • அதிகமாக மதுபானம் அருந்துவதை நிறுத்துங்கள்.
  • உடற்பயிற்சி செய்யும் வழக்கத்தை ஏற்படுத்திக் கொள்ளுங்கள்.
  • சத்துணவு பற்றி அறிந்து அதை உண்ணும் வழக்கத்தை ஏற்படுத்திக் கொள்ளுங்கள்.
  • உடற்பயிற்சி நிலையத்துக்கு கட்டணம் செலுத்தாமல், பூங்கா சென்று ஓடுங்கள், நடவுங்கள், விளையாடுங்கள்.

கல்வி[தொகு]

  • உங்கள் கல்விக்கு இணையத்தைப் பயன்படுத்துங்கள்.
  • நண்பர்களிடம், அல்லது திறன் பண்டமாற்று வலைத்தளங்கள் ஊடாக கல்வியைப் பகிர்ந்து கொள்ளுங்கள்.

தூய்மையாக்கல்[தொகு]

  • கையால் தோயுங்கள்.
  • சூரிய ஒளியில் உலரவிடுங்கள்.
  • கை துடைக்க, துப்பரவு செய்ய காகிதத் துவாய்களைப் பயன்படுத்தார்கள், மாற்றாக துணியைப் பயன்படுத்துங்கள்.
  • பாத்திரங்களைக் கழுவ கரியைப் பயன்படுத்துங்கள்.
  • நீங்களே தேவையான தூய்மையாக்கல் பொருட்களை உருவாக்குங்கள்.

நிதி[தொகு]

  • யதார்த்தமான வரவுசெலவு உருவாக்கிப் பின்பற்றுங்கள்.
  • தேவை எது, ஆசை எது என்பதை உணர்ந்து தேவைகளுக்கு முன்னுருமை கொடுங்கள்.
  • சிக்கனம் கடைப்பிடித்து கடனை அடையுங்கள்.
  • ஒவ்வொரு சம்பளத்தில் இருந்தும் குறிப்பிட்ட அளவு சேமிப்புக்கு தானாக செல்லும் படியாக வங்கியில் ஏற்பாட்டைச் செய்யுங்கள்.
  • ஆபத்துத் தேவைகளுக்கு என்று 3-6 மாதங்களுக்கு உங்கள் வாழ்க்கையை நகர்த்தத் தேவையான பணத்தைச் சேமித்து வையுங்கள். குறைந்த பட்சம் திடீர் விபத்து அல்லது மருத்துவ தேவைகளை சமாளிக்கத் தேவையான ஆபத்துதவித் தொகையை சேமியுங்கள். இதனால் உயர் வட்டிக் கடன் அட்டையைப் பயன்படுத்துவதைத் தவிர்க்கலாம்.

பொருள் வாங்கல்[தொகு]

  • பொருட்களை வாங்குவதற்கென அங்காடிகள் செல்வதைத் தவிருங்கள்.
  • வாங்குவதைக் குறையுங்கள். பகிர்வை, கூட்டு நுகர்வைக் கூடுதலாகப் பயன்படுத்துங்கள்.
  • தளபாடங்கள், கருவிகள் மற்றும் பிற பொருட்களை வாங்க முன்பு இணையத்தில் கிறக்பட்டியல் (criglist), இலவசப் பகிர்வகங்கள் (freecycle) போன்றவற்றில் கிடைக்கின்றனவா என்று பாருங்கள்.
  • விலை ஒப்பிட்டி, ஆய்வு செய்து பொருட்களைக் கொள்வனவு செய்யுங்கள்.
  • பெயருக்காக வாங்காமல், பயன்பாட்டையும் தரத்தையும் கருத்தில் கொண்டு வாங்கிங்கள்.
  • கழிவு விலையில் உள்ளதா, கழிவிச் சீட்டைப் பயன்படுத்தலாமா என்று அறிந்து அவற்றைப் பயன்படுத்துங்கள்.
  • பேரம் பேசி வாங்கிங்கள்.
  • பெரிய பொருட்களை திட்டமிட்டுச் சேமித்து வாங்குங்கள்.
  • என்ன தேவையான பொருட்கள் என்று பட்டியல் இட்டு, பொறுத்திருந்து வாங்கிங்கள்.
  • பெரும் நிறுவனங்கள் ஆயில் அவ்வபோது தொலைபேசி எடுத்து முறையீடு செய்து, பேரம் பேசி சேவைகளுக்கான பணத்தைக் குறைக்கக் கேளுங்கள். இல்லாவிடின் போட்டி நிறுவனத்துக்கு சென்றுவிடிவீர்கள் என்று வெருட்டுங்கள்.

பொழுது போக்கு[தொகு]

  • நூல்கள்/இதழ்கள்/நிகழ்படங்கள்/இறுவட்டுக்கள் போன்றவற்றுக்கு நூலகத்தைப் பயன்படுத்துங்கள்.
  • பூங்கா, காடு, அருங்காட்சியகங்கள் கட்டணம் இல்லாத அல்லது குறைந்த இடங்களுக்குச் செல்லுங்கள்.
  • பலகை விளையாட்டுக்கள், சீட்டாட்டம் போன்றவற்றை( பணமதிப்புளள பணையம் தவிர்த்து) ஆடுங்கள்.

பரிசளிப்பு[தொகு]

  • உங்களுக்குப் பரிசாக தரப்பட்டவற்றை பிறருக்கு பரிசாக அளித்தல்.
  • நீங்கள் சமைத்த உணவை எடுத்துச் செல்லல்.
  • நீங்கள் செய்த பிற பொருட்கள்.
  • சிந்தித்து, நினைவுகளைத் தூண்டும் பரிசுகள்.
  • விலை அதிகமான அட்டைகளை (cards) வாங்குவதை விடுத்து கையால் செய்தத அட்டைகளை அல்லது கவிதைகளைக் கொடுக்கலாம்.

விடுமுறை[தொகு]

  • உள்ளூரிலேயே நீங்கள் பார்க்காத இடங்களைச் சுற்றிப் பார்த்தல்.
  • பிற நாடுகளில் அல்லது இடங்களில் உள்ள உங்கள் உறவர்களைச் சென்று பார்த்தல். அங்கு தங்கி சுற்றுலாச் செய்தல்.
  • நேரப்பகிர்வு (timeshare) உங்களின் நண்பர்களிடம் இருந்து வாங்குங்கள்.

குறைப்பு, மீள்பயன்பாடு, மறுசுழற்சி[தொகு]

  • நெகிழிப் (plastic) பைகளைத் தவிர்த்து, மீள் பயன்படுத்தக் கூடிய பைகளை (துனி, காகிதம் போன்ற பொருட்களால் உருவாக்கப்பட்டவை) பயன்படுத்துங்கள்.
  • பைகளை மீள் பயன்படுத்துங்கள்.
  • பொருட்கள் வரும் தகரங்கள், பெட்டிகளை மீள் பயன்படுத்துங்கள்.
  • பழந்துணிகளை வீட்டின் வேறு வேலைகளுக்குப் பயன்படுத்துங்கள்.
  • பழம் பத்திரிகைகளை, காகிதங்களைப் மீள் பயன்படுத்துங்கள். பொருட்களை உலரவிட, கட்டிக் கொடுக்க போன்ற பல்வேறு பயன்பாடுகளுக்குப் பயன்படலாம்.
  • மீள் பயன்படுத்தக் கூடிய தண்ணீர் போத்திலைப் பயன்படுத்துங்கள்.
  • எறியப்படும் கிண்ணங்களையோ, கோப்பைகளையோ வீட்டில் பயன்படுத்தாதீர்கள்.
  • எறியப்படும் தண்ணீர் போத்தில்களைத் தவிர்த்து, மீள் பயன்படுத்தக் கூடிய கண்ணாடி அல்லது அலுமினிய தண்ணீர் போத்தில்களைப் பயன்படுத்துங்கள்.

பகிர்தல், பண்டமாற்று, கூட்டு நுகர்வு[தொகு]

  • நூல்களைப் பகிரும் நூலகங்கள் போல கருவிகள், வாகனங்கள், இடம் எனப் பலவற்றைப் பகிரும் பகிர்வகங்கள் உள்ளன. அவற்றைப் பயன்படுத்திக் கொள்ளுங்கள்.
  • நேரடியாகவோ, அல்லது இணையம் ஊடாகவோ உங்களிடம் உள்ள பொருட்களையும் திறங்களையும் ஒருவொருக்கொருவர் பண்ட மாற்றிக் கொள்வதால் பணத் தேவையைக் குறைக்கலாம்.

திருத்தல், தானே செய்தல்[தொகு]

  • சமைத்தல், தைத்தல், கற்பித்தல், வாகனப் பராமரிப்பு, உணவு உற்பத்தி, திருத்தல் வேலைகள், தூய்மைப்படுத்தல், அடிப்படை மருத்துவம் என்று பல்வேறு அடிப்படை வேலைகளை தாமே செய்வது.
  • பொருட்கள் உடைந்துவிட்டால் உடனே எறிந்துவிட்டு புதிய பொருட்களை வாங்குவதைத் இயன்றவரைத் தவிருங்கள். நீங்களே திருத்தப் பாருங்கள்.

வெளி இணைப்புகள்[தொகு]