வாழ்க்கைத் துணைநலம்
|
« முன் பக்கம்: இல்வாழ்க்கை | திருக்குறள் » இல்லறவியல் » வாழ்க்கைத் துணைநலம் | அடுத்த பக்கம்: மக்கட்பேறு »
- 51. மனைத்தக்க மாண்புடையள் ஆகித்தற் கொண்டான்
- வளத்தக்காள் வாழ்க்கைத் துணை.
- இல்லறத்திற்குரிய பண்புகளுடன், பொருள் வளத்துக்குத் தக்கவாறு குடும்பம் நடத்துபவள், கணவனின் வாழ்வுக்குப் பெருந்துணையாவாள்.
- வளத்தக்காள் வாழ்க்கைத் துணை.
- 52. மனைமாட்சி இல்லாள்கண் இல்லாயின் வாழ்க்கை
- எனைமாட்சித் தாயினும் இல்.
- நற்பண்புள்ள மனைவி அமையாத இல்வாழ்க்கை எவ்வளவு சிறப்புடையதாக இருந்தாலும் அதற்குத் தனிச்சிறப்பு கிடையாது.
- எனைமாட்சித் தாயினும் இல்.
- 53. இல்லதென் இல்லவள் மாண்பானால் உள்ளதென்
- இல்லவள் மாணாக் கடை.
- நல்ல பண்புடைய மனைவி அமைந்த வாழ்க்கையில் எல்லாம் இருக்கும். அப்படியொரு மனைவி அமையாத வாழ்க்கையில் எதுவுமே இருக்காது.
- இல்லவள் மாணாக் கடை.
- 54. பெண்ணின் பெருந்தக்க யாவுள கற்பென்னும்
- திண்மைஉண் டாகப் பெறின்.
- கற்பென்னும் திண்மை கொண்ட பெண்மையின் உறுதி பண்மைப் பெற்றுவிட்டால், அதைவிடப் பெருமைக்குரியது வேறு யாது?.
- திண்மைஉண் டாகப் பெறின்.
- 55. தெய்வம் தொழாஅள் கொழுநன் தொழுதெழுவாள்
- பெய்யெனப் பெய்யும் மழை.
- கணவன் வாக்கினை கடவுள் வாக்கினை விட மேலானதாகக் கருதி அவனையே தொழுதிடும் மனைவி பெய் என ஆணையிட்டவுடன் அஞ்சி நடுங்கிப் பெய்கின்ற மழையைப் பொலத் தன்னை அடிமையாக எண்ணிக் கொள்பவளாவாள்.
- பெய்யெனப் பெய்யும் மழை.
- 56. தற்காத்துத் தற்கொண்டாற் பேணித் தகைசான்ற
- சொற்காத்துச் சோர்விலாள் பெண்.
- கற்புநெறியில் தன்னையும் தன் கணவனையும் காத்துக் கொண்டு, தமக்குப் பெருமை சேர்க்கும் புகழையும் காப்பாற்றிக் கொள்வதில் உறுதி குலையாமல் இருப்பவள் பெண்.
- சொற்காத்துச் சோர்விலாள் பெண்.
- 57. சிறைகாக்கும் காப்பவென் செய்யும் மகளிர்
- நிறைகாக்கும் காப்பே தலை.
- தம்மை தாமே காத்துக்கொண்டு சிறந்த பண்புடன் வாழும் மகளிரை அடிமைகளாக நடத்த எண்ணுவது அறியாமையாகும்.
- நிறைகாக்கும் காப்பே தலை.
- 58. பெற்றாற் பெறின்பெறுவர் பெண்டிர் பெருஞ்சிறப்புப்
- புத்தேளிர் வாழும் உலகு.
- நற்பண்பு பெற்றவனைக் கணவனாகப் பெற்றால், பெண்டிர்க்கு இல்வாழ்க்கையெனும் புதிய உலகம் பெருஞ் சிறப்பாக அமையும்.
- புத்தேளிர் வாழும் உலகு.
- 59. புகழ்புரிந்த இல்லிலோர்க்கு இல்லை இகழ்வார்முன்
- ஏறுபோல் பீடு நடை.
- புகழுக்குரிய இல்வாழ்க்கை அமையாதவர்கள், தம்மைப் பழித்துப் பேசுவோர் முன்பு தலைநிமிர்ந்து நடக்க முடியாமல் குன்றிப் போய் விடுவார்கள்.
- ஏறுபோல் பீடு நடை.
- 60. மங்கலம் என்ப மனைமாட்சி மற்றுஅதன்
- நன்கலம் நன்மக்கட் பேறு.
- குடும்பத்தின் பண்பாடுதான் இல்வாழ்க்கையின் சிறப்பு; அதற்கு மேலும் சிறப்பு நல்ல பிள்ளைகளை பெற்றிருப்பது.
- நன்கலம் நன்மக்கட் பேறு.
« முன் பக்கம்: இல்வாழ்க்கை | பொருளடக்கம் | அடுத்த பக்கம்: மக்கட்பேறு »